بسته

14646599_10209738116184943_2080824390_o-png-copy

بقلم عمار الوندي / الصورة بريشة مصطفى كبة

والحمزه بسته

امبارح بالحلم.. مر بيه طيف

وغافلت شفته

وياطعم قمردين

حامض حلو.. وندمان من عفته

صح خجل واحمر طماطه صار

والسكته سكته

وابتعد ليغاد عني

وبعينه خزرني

ولا تلوموني…… ما ضايگ گبل گيمر السدّه

والحمزه بسته

 

من تلبس اسود …… لا تجي يمنه

مسودن انه.. والعشگ عنواني

يالخدك ورد مشمش

خد يغار من ثاني

أن چان نهر الوفه

نبع النهر اني

لاتزعل أن بستك غفل

بوس الحلم رباني

وابيض واسود تره

وبالصدگ.. رماني

3 آراء على “بسته”

  1. كلمات عراقية عراقية و لا أجمل من الغزل باللهجة العراقية عشت أخ عمار مبدع بالأحساس سواء كان احساسك مترجم الرسم بالكلمات او رسم بالألوان. .. والصورة حلوة للفنان مصطفى تحسها راح تتحرك وتتكلم من شدة دقتها وجمالها.

  2. الله الله عمار عاشت ايدك القصيدة جميلة جدااا وكلماتها بسيطة باللهجة العراقية لهجتنا التي نتميز بها عن الدول العربية وزادت اللوحة لمصطفى حلاوة ما بعدها حلاوة عاشت الأيادي

اترك رد