نبضات قلب

بقلم ليث حمودي.

 

يا دمعة حِزِن بفراگ أغلى الناس            يا جرح المحبّة ال بالگلب يدّي

يا شبّاچ كل ضحكة وگلب مشتاگ           يا كحل العيون السود يا هندي

يا نوم العصاري لجفن شاف هموم          يا طيف الفرح يا حلم يا وردي

يا صومي وصلاتي ويا زكاة الروح        يا خير العمل يا تقوتي وزهدي

يا محراب گلبي وقِبلة الأفراح               يا كعبة محبتي وشوگي ووجدي

يا تِبر العشگ يا جوهرة بنص تاج          يا در النجف يا أغلى ما عندي

أعذرني منوصفك بأبسط الچلمات           حيث ان الوصف ويّاك ما يجدي

أنت من الوصف أكبر يبعد الروح           وآنه أحتار بيك م نوصفك وحدي

آنه أحتاح يم وصفك ألف أستاذ              وأحتاج أبذل بأخلاص كل جهدي

يلحسنك يعذب الروح والدلاّل                أعشگ بيك نوحي ودمعتي وسُهدي

عشگ الگاع لمن تحضن الگطرات         وعشگ الهور للمشحوف والبردي

 

كتبت في منطقة الحي الصناعي مدينة البيضاء/ ليبيا بتأريخ 23-7-2002

4 آراء على “نبضات قلب”

اترك رد