تظاهرة خريجي معاهد النفط

قام عدد كبير من خريجي معاهد النفط من محافظات العراق المختلفة بالتظاهر امام وزارة النفط في بغداد يوم امس الثلاثاء وذلك احتجاجا على توقف التعيينات المقررة في الامر الوزاري لسنة ٢٠١٤ والذي بموجبه يتم التعيين المباشر للخريجين وتوزيعهم على شركات النفط في المناطق والمحافظات المختلفة.
موقع عراق انا تابع عمل  المنظمين والمشاركين بالتظاهرة عن طريق الاتصال المباشر او من على شبكات التواصل الاجتماعي.

الهدف من التظاهرة هو ايصال صوت الخريجين ومعاناتهم الى المسؤوليين. خريجين قدموا من البصرة، ميسان، الكوت، الناصرية، بابل ومن العاصمة بغداد وغيرها من المدن والنواحي والقرى. المعلومات الواردة ان التظاهرة حققت اهدافها وخرجت بالنتائج ادناه:
– تم اكمال توزيع خريجي معاهد النفط في كركوك والبصرة.
– العمل جاري على الاسماء من خريجي العاصمة بغداد, يوم الأحد القادم، بعدها تتم مقابلاتهم مع ممثلين الشركات حتى يعرفون الاختصاصات المحتاجه الى الكوادر.
– المرحلة القادمة هي العمل على توزيع طلاب مدينة بيجي
– الاسبوع القادم سيتم اصدار قرار الوزارة بشكل كامل ولكل الخريجين.
– انتظار نتائج الهيئة الادارية ولجان شركات النفط فيما يخص التوزيع والتعيين الاسبوع القادم او الاسبوع الذي يليه كحد اقصى.
مايهمنا بالامر بالشكل الرئيسي ان يأخذ هؤلاء الشباب حقهم في التعيين بعد سنوات من الدراسة وان يستطيعوا بناء مستقبلهم بشكل يؤمن لهم حياة كريمة وواعدة.
الشئ الاهم هو الاسلوب والوسيلة التي تم تنظيم هذه التظاهرة.
من الناحية التنظيمية فمنذ الاستعدادات الاولى للتظاهر قامت كل مجموعة في كل محافظة باختيار ممثل لها بالاسم كانت عليه تحمل مسؤولية معرفة عدد الطلاب في مجموعته، ترتيب المواصلات والدعم اللوجستي فيما يتعلق بنقطة الانطلاق من المحافظة، اين يكون التجمع والتنسيق مع ممثلي المجموعات الاخرى واين التجمع قبل التوجه الى مبنى وزارة النفط.
الرسائل المتبادلة بين الطلبة الخريجين على شبكات التواصل الاجتماعي كانت فيها الكثير من التفاصيل والاكثر اهمية هي حرصهم على اتباع ممثليهم قبل واثناء المظاهرة، وعدم الخروج عن تعليماتهم. اضافة الى ذلك، التنبيه والتنويه على ان تكون التظاهرة سلمية وحضارية، وعلى تجنب اي استفزازات او مضايقات ممكن تبدر او تحصل سواء من الاجهزة الامنية او احد المسؤولين او اخرين في حال حدوث تصادم. مثال ذلك احد الخريجين بقوله “لايتم رفع اي لافته تسيء لشخص معين او للوزاره وان تكون ضمن اطار الادب”.  وخريج اخر يناشد زملائه “وشيكول ابو الامن اگله خدام احنه الك … “. الخوف موجود لدى بعض الشباب من تعامل الاجهزة الامنية مع التظاهرة – ممكن ان السبب يعود الى صدى احداث التظاهرات الاخيرة قبل كم اسبوع والتي استخدم فيها الغاز المسيل للدموع حسب المصادر الاعلامية، ممكن كان مصدر لهذا الخوف.
او من الممكن ان لايكون الخوف، وانما هو بالحقيقة الاحساس بالمسؤولية، الالتزام بالاحترام للاجهزة الامنية وللمسؤول الذي هو جزء من الاحترام والحب للوطن.
جميع من شارك على الاطلاق لديه قضية ويعاني منها ومن نتائجها وخاصة ان هؤلاء الطلبة درسوا وحصلوا على درجات عالية تؤهلهم للدخول الى الجامعات لكنهم اختاروا معاهد النفط كونها الوسيلة التي تضمن للحصول على وظيفة. بالرغم من معاناتهم فالروح الجميلة في المشاركة وتعامل الشباب الايجابي قبل واثناء الحدث شئ يدعو للفخر.  منهم من قدم الشعر ومنهم من شارك بالمزحة اللطيفة. مثال ذلك حسين مهدي من سكنة واسط، الذي دفعته الحياه والوضع الى ان يعمل بالبناء ليدعم عائلته. كتب حسين “الهوسة” التالية:
يربان الوزاره  اسمع صدى الأصوات …
تره اباب الوزاره محزمين نبات..
مانطلب العون نريد تعينات …
أهو اهو اهو
من واسط جينه اطلع لينا
جايكم بالكرك والطاسه والغربيل
الثلاثاء موعدنا
محمد بشير خضير من البصرة الحبيبة قدم قصيدة الى كل ابناء العراق
..
عــــراقي والنعم منه شحلاته
محيره الناس وتسودن صفاته
ابن البلد عـــزه وغيرة ارجال
اسمعوا الموسوي من وصف شكال
:
ولد بغداد
ولد بغداد كل كلوبهم طيب
تحطهم عالجرح يتعافه ويطيب
حلوه عيونهم جن خزرة الذيب
وهيبه وروسهم بالعال يا عال
..
ولد النجف
ولد النجف بيهم ريحة اعزاز
العاشرهم ربح باخلاقهم فاز
واحدهم بكل تابوت جناز
يشيلون اليموت بكل الاحوال
..
ولد العماره
العماره ولدهه شلون ويلاد
ولد شيوخ ولكل ضيف واجواد
واحدهم بكل ميدان رداد
يعدلون الحمل لو زحزح ومال
..
ولد الديوانيه
الديوانيه عدهه هواي وكفات
اصيله وبت وطن وتربي هوسات
اغنيلج بكل ليله سلامات
والله يديم عزج يم الابطال
..
ولد كربله
ولد كربله بيهم ريحة بخور
ويضيفون كلمن رايح يزور
شكد حلوه علي وياك ماجور
ما عدهم فرق مابين الاشكال
..
..ولد الكوت
تاخذني المحنه لديرة الكوت
اطايب واليمركم لحظه مبخوت
اشتم ريحة الحب وين ما افوت
يم السده كل هم بيه ينزال
..
ولد ذي قار
ولد ذي قار ولد شيوخ ودلال
ما يمشون وي القيل والقال
تلكاهم هله بكل عين رحال
اهل الهور والمكوار والفال
..
ولد الحله
ولد الحله طبعا شحجي عنهم
ما طلعت ابد مو زينه منهم
سوالف بلابل صيف جنهم
وحمل من عنبهم اطيب سلال
..
ولد الموصل
ولد الموصل شمحلاهم وياي
صفاة كلوبهم تشبه تره الماي
يضيفون العليهم رايح وجاي
من اهل الجنوب لحد الشمال
..
ولد السماوه
السماوه اولادهه بلسم للجروح
وصدك خطارهم ينشال بالروح
اذا رايد تمرهم للنخل روح
شمحلاته العثك لو شفته ميال
..
ولد تكريت
شسولف لو ردت عن ولد تكريت
همه اهل الكرم والطيب والصيت
زلم وعكالهم وي روسهم فيت
زلم وبروسهم محلاته العكال
..
ولد ديالى
ولد ديالى عدهم يكثر الخير
يحبون الوطن ما حبوا الغير
يحبونك محبة شجره للطير
وكل ظلمه تره تلكاهم هلال
..
ولد البصره
ولد البصره الكه منين منكم
اريد اوصل والم الناس عدكم
واصيح بعالي صوتي انا احبكم
مثل حب اللعب لو حبته اطفال
..
ولد الانبار
شسولف يا بشر عن ولد الانبار
يوميه عليهم توصل اخبار
اذا شافوا اجاهم فرد خطار
تره يذبحون للخطار الجمال
..
ولد اربيل
ولد اربيل حيره شتحجي عنهم
وهمه الورد كام يغار منهم
العراق يعرف ميزتهم لبنهم
وعدهم فاكهه انواع واشكال
..
ولد كركوك
ولد كركوك همه اهل الاصاله
الكمر من زودهم ماخذ جماله
عدهم للوطن اعظم رساله
النفط من كاعهم من كل كتر سال
..
ولد دهوك
ولد دهوك اجمل ناس بالحب
تعال بكل وكت بكلوبهم طب
كهوتهم وفه بفنجانهه تصب
شيحجي عن وصفهم قصر الكال
ولد السليمانيه
السليمانيه همه اهل الشهامه
وحجيهم ينسمع ونة حمامه
يارب كون يبقون بسلامه
ويظل عالي العراق بعلو الجبال
..
هناك من الخريجين من عرف مسبقا عدم تمكنه من الحضور والمشاركة مثل الخريج من سكنة بغداد الذي بعث رسالة اعتذار الى زملائه، اختتمها بقوله: “وإني واهلي وبيتي بخدمتكم وإذا الكاع ما تشيلكم اخليكم ع راسي. بيتي وبيوت عمامي مفتوحة للجميع.”
شئ مؤكد ان هناك غضب وشئ اكيد ان هناك نقمة على المسؤول لنكثه بالوعد بخصوص تعيين هؤلاء الطلبة، ومنهم كثيرين اذا ماكان معظمهم ليست لديه الثقة بالسياسي او بالمسؤول وخاصة في ظل الفساد الاداري والحكومي والوضع الاقتصادي المتردي للبلاد، ناهيك عن ان الالاف من ابناءنا في جبهات القتال شمال البلاد يحارب ويحقق انتصارات على الارهاب. كل هذه الظروف وغيرها لم تثني هؤلاء الخريجين من ان يثبتوا لانفسهم اولا، لبعضهم وللعالم باكمله سمو اخلاقهم في التعامل، قمة الرقي، التزامهم، انضباطهم، وتفانيهم من اجل ان يجعلوا هذه التظاهرة حضارية، سلمية، لها معنى حقيقي في المطالبة بحقوقهم.
خريجي معاهد النفط هو مثال اخر من الامثلة اللي نقدمها وسنقدمها بالمستقبل منزخلال موقعنا لكل ماهو جميل بالعراق.
 تظاهرة الامس اثبات ان الحضارة في بلاد مابين النهرين لم تمت. الدليل على ان هناك مبادئ ثابتة لاهلنا وابناءنا في داخل العراق: الرقي والاخلاق الحسنة، الانضباط والالتزام، حب  الاخر والاخوة النظيفة. جميعها مازالت موجودة بعراقنا الحبيب، وما الفوضى الاجتماعية والاقتصادية والسياسية التي نقرأ عنها ونسمع ونراها الا الغمامة السوداء التي كبتت على انفاس اهلنا في الوطن، هي من تراكمات الماضي القريب والبعيد، ولكنها لن تبقى الى الابد على سماء البلاد.
البلد بعده بخير

 

نترككم مع صور وفيديوهات من التظاهرة عسى أن تنال رضاكم، مع الشكر للاخ أحمد صقر .

 

 

 

 

 

 

اترك رد