حالات – زبيدة الشواف

بقلم أحمد طاهر.
حالات هو المعرض الشخصي الثاني للفنانة التشكيلية المبدعة زبيدة الشواف الذي اقيم يوم الجمعة الرابع من شهر ايار / مايو 2018 ولمدة خمسة ايام على قاعة Divano في اونتاريو كندا.
هي ليست المتعة فقط في الوقوف ومشاهدة مثل هذا الابداع وانما اقل مايمكن وصفه لكل لوحة بالاناقة والارتقاء. الوجوه في كل لوحة التي تعبر بصدق عن حالات لبشر مختلفين، رجالا ونساءا، الالوان المستخدمة، التشكيلات والابعاد المتناغمة تنم عن ذكاء روحي او روحاني يضع المشاهد في مواقف متنوعة ومزاجيات متقاطعة واضحة جدا من خلال الوجوه المرسومة في كل لوحة.
باختصار، الفنانة الشواف استطاعت وبجمالية متناهية أن تنقل المشاعر الأنسانية من خلال لوحتها.
كل التوفيق والنجاح للفنانة المبدعة والمتألقة زبيدة الشواف ولنا الفخر ان نكتب وننشر عن الابداع والتميز والجمال لعراقنا والعراقيين.

معرض لغة النحت

زينة الالوسي.

اليوم موضوعنا مختلف..هو عن معرض نحت..ولكن معرض نحت يمتاز بخاصيّة، وله مذاق وتأثير وروح مختلفة…. تماثيل ومنحوتات تحاكيك عندما تمر بجانبها..وتهمس لك بكل هدوء وسحر وعذوبة حتّى تقف أمامها وتتأملها وتلاحظ وتقدِّر كل تفاصيلها الدقيقه وتَحتَرِم الجهد والوقت المبذول في انجازها… وتنبهر بجمالها وبجمال فِكِر وخيال صانعها.. متابعة قراءة “معرض لغة النحت”

بيت الخرساء

 

اقتحم لصوص بيت الخرساء
سرقوا ماسرقوا والخرساء تراقب دون صراخ
ظلت (تلطم) فالمسكينة لاتملك صوتا يسمعه الناس
طمع السراق بعفتها فاغتصبوها
ظلت (تلطم) فالمسكينة لاتملك صوتا يسمعه الناس
القوا في البيت مشاعل نار فاحترق البيت
والمسكينة ظلت (تلطم) حتى احترقت
فاختلط رماد ودماء
فمتى تملك صوتك ياوطني يابيت الخرساء!

*******

الشاعر محمد المنصوري

 

ثنائيات

 

بين قلبي والاله
سلم من دعوات
احرقته الشهوات
بين قلبي والحقيقة
نظرة فيها براءة
شوهتها كلمات قالها شيخ الطريقة
بين قلبي والقصيدة
وتر ينبض سحرا كلما لامسه بوح الجراح
قطّعته مهرجانات الصياح
بين قلبي والطفولة
نهر شوق يتهادى فيه موج الذكريات
جففته – دون ان اشعر – ريح السنوات
بين قلبي والحبيب
الف ميثاق وفاء
ذوبتها كلمات لغريب
بين قلبي وبلادي
حقل امال تحملت الاذى من اجله ارجو الحصاد
اكلته – وانا انظر – اسراب الجراد
********
الشاعر محمد المنصوري
19/12/2015

مجروح

 

لا تسولف عالملح يم الجروح
بيهة خوفة جروحي من طاري الملح
جروح گلبي بعدهن حدثات
وگامن بكل موسم يخلفن جرح
ولاتدگ باب الگلب باثنين اديك
بصمة خليت وبعد ماينفتح
سهم مرشوش بملح وبگلبي صار
خله يبرد من بعدهة اطلب صلح
وك احفرت اسمك بالدليل
وحسبت من گلبي مااظن تنمسح
ببستان العشگ چنت انه طير
ليش تسويها ظلمه وانه مكسور الجنح
اشگد غشيم وصدگت وجه الظلام
مادريت بشمعه وجهك ينفضح
لو عمت عيني وضوه العالم باديك
ما اريدن يطلع عله عيوني الصبح

************

شعر بقلم لؤي الأسدي

 

لا يا صديقي

الگلب الابيض لا تلچًمه ارجوك

لا يحمل عتب ولا يتحمًل الصدمه

على الحلوة والمرًه مشيت وياك

ذايب مثل شمعه بساعه العتمه

چنت شايل خلگ ما شاله حتًى الهور

يشگ صدره البلم وما عاتبه بكلمه

جبتهه وياك ضحكه وسالفه وطيب

ليش من الشفاه تموًت البسمه

غشيم انه وزرعتك ردت احصدك عود

لا خضًر العود ولا شفت نعمه

على اول نفس هدًيت خنًاگ

وانه انطر هواك وانطر النسمه

تره القدًاح عطره يفوح للدوم

لو ينداس بالرجلين هم يستاهل الشمًه

والصديج الزين وين تريد تلگاه

لو هدًه كواسج والبحر ظلمه

ما رايد اجرحك بس احاچيك

وما اكثًر الكلام وهيه بس كلمه

شيرجعه الرطب لو طاح بالرجلين

من عين العثگ لو طاح شيلمًه

****************************

شعر بقلم لؤي الأسدي

 

الى سراب

 

العنده مثلك بعد من ربه شيريد

​​عايش بجنة عدن قبل الحساب

خير مليانة حياته بلاية ضيم 

​​واخذ باليمنى الفرح وية الكتاب

هاك جَنتَك الله گـلّه وبيها عيش

​​ولا تخاف الموت والهم والعذاب

من عسل صاغك الهي ومن طحين

​​وخلّه ويه العسل چم ذرة تراب

ومن حرير الشعر نازل عل چتاف

​​يرگـص وي الريح لو هب منها هاب

عيونك الياقوت من عدها يغار

​​وبخجل يحسدها من خلف النقاب

طولك بساتين تزهي محمّلات 

​​من لذيذ الزاد ما لذ وطاب

خمرة شفافك اذا تحـچـي تسيل 

​​​شـگـد تمنيت اسكر بخمر الرضاب

لو مشيت الـگـاع تخجل من خطاك 

​​     ودگــة جدامــك تفـك لـلفرحة باب 

يا سراب الروح عطشانة لهواك 

​​نبع يرويها تريدك مو سراب

 

*********

قصيدة بقلم وصوت ليث حمودي
الفيديو فكرة وتصميم وأخراج أحمد طاهر

حياة

عودة الى احدى اجمل الاعمال في التصوير الفوتوغرافي بعدسة المبدعة بشائر الاسدي

صفحة الفايسبوك: Asadia photography

يوم ست الحبايب – عيد الأم

الى نبع المحبة والحنان الذي لاينضب، الى ست الحبايب نهدي هذا الفديو بمناسبة عيد الام.

العمل هو فكرة جديدة من نوعها حيث تقوم على أساس عمل فيديو يضم صور شخصية او عائلية مع العبارات والكلمات وابيات الشعر من اختيار كل مشترك. اراد كل منهم ان يكون هذا الفيديو بمثابة هدية إلى الأم، وأن يبعثوا رسالة حب وامتنان وعرفان إلى الأم تقديرا واجلالا لكل ماقدمته وتقدمه لهم من حب وحنان ودفئ وتربية صالحة وكريمة.

رحم الله من فارقنا من امهاتنا ويتغمدهن فسيح جناته، ويحفظ الاحياء من امهاتنا ادام الله عليهن الصحة وطول العمر.

شكر خاص إلى كل من شارك في جعل هذا العمل ممكناً. لكم مني كل الحب والأحترام والتقدير:

لينا احمد
افين ناطق
زينة الالوسي
ريم ملوك
غادة طاهر
يانا احمد طاهر
ميس حجيرة
خليل خميرة
بشار جناد
كرم جناد
لؤي الأسدي
اسراء حسون
زهراء ياسين
وئام عدنان
سهام شاكر
رسل العبيدي

الفيديو فكرة وتصميم وإخراج
أحمد طاهر

أعظميه

أعظميه يا دوا للجرح هيه …..

أعظميه يا منبع أسود ودرع حميه ……

أعظميه دوم صابره وأبيه..

أعظميه وألله شامخه ما تنكسر هيه ….

اعظميه إبجي يوم وضحكي ميه ….

اعظميه يا صحوة زلم مو صحوه نسوانيه

.اعظميه يا سيف الله بوجه الارهابيه …

اعظميه….. مو طائفيه …دومج سنيه شيعيه..

اعظميه يا حضن ابو حنيفه ……..وجيران الكاظمية متابعة قراءة “أعظميه”