شعر عمار الوندي
يلمسافر اخذني وياك.. اخذ روحي تلوليلك
أخذ عيني نجم بسماك وعلگني بزناجيلك
علگني مثل اية الكرسي ..
اقرالك حرز.. وادعيلك
يلمسافر والجنط شوگ ..
يلمسافر انه دخيلك
مثل ضللك مشيت وياك.. واسبقنّك و اناغيلك
يل مسافر تره انه معلگ اعله الباب …سبع عيون
وفوانيس العمر منثوره …. بروازينك
يل مسافر انه اترجاك
اخذني وياك.. وأخذ شوگي بشليلك
روعة، روعة، روعة عمار. عاشت ايدك
عموري. كلمات روعه ونقية طالعة من نص القلب الصافي. عاشت الأيادي .
ممنون اختي غاده..ربي يحفظك
اغاتي ليث حمودي
بعض مما عندكم. ممنون
الله يا عمار … صدك هاي جتي بوقتها…
اشكد قاسي البعد ???
عاشت ايدك يا مبدع
كالعادة رائعة القصيدة وكلماتها, عشت عمار ..
اختي نجلاء ابراهيم
اني ممنون جدا
اغاتي Ahmed
اشكر كلماتك الرقيقه