غزل

بقلم ليث حمودي

 

أراوسها بعمر بس بسمة من شفتك

وأشريك بحياتي وهم أظل ربحان

وأفدي خصال شعرك لو ثناها الهاب

وحط گلبي حصن وضلوعي الحيطان

يلصوتك نغم مزمار من داوود

حقها تسبّح بصوتك إنِس والجان

ربك من عسل چن صاغك وسوّاك

ومثلك بالحسن ما خِلق أي أنسان

طولك خيزرانه تميل وية الريح

ويميل ويَطولك دمّي بالشريان

وشفافك خمر من جنة الفردوس

شگد حلَمِت بيهن ليلي أضل سكران

وي خصرك يميل الكون من يميل

وتطيح الثريا وينچفي الميزان

يا ريم الفلا ويا حلم كل صيّاد

جيتك معتــني ومتحـــزّم أم عران

كل ظنّي آني اصيدك وأكضي عمري وياك

متهنّي وسعيـــد بصيدتي وفرحان

صوّبني الرمش بسهامك الترفات

نيشنت علگلبي وما خطى النيشان

يا سجّان روحي الروح هامت بيك

هم شايف سجين يموت عل سجّان

 

رأي واحد على “غزل”

اترك رد