من صفحة الوقاية من فيروس #الكورونا
السلام عليكم ???…
*ملاحظة :هذا العلاج لايصرف حاليا في الصيدليات الا بوصفة طبية من الطبيب المختص.
سامعين بالمثل الي يكول … طلعنا من حفرة دخلنا بالبير …
?يعني نريد نطلع من حفرة كورونا .. بعدين تريدونا ندخل بالبير مال كلوروكوين Chloroquine والهايدروكسي كلوركوين Hydroxychloroquine….
?اخوان صح اكو دراسات شافت اله فعاليه لمرضى الكورونا … بس هالشي ممثبت من قبل منظمه الغذاء والدواء FDA … يعني بالضبط كانما انت دتاخذ الدواء على مسؤوليتك ومالك حق تطالب بكلشي اذا صار بيك شي…
?احنا دنريد نخلص من حالات الكورونا .. نوبه كامت تجي للمستشفيات حالات مرضيه بسبب الاستخدام الخاطئ للدواء .. طبعا هالكلام نقلا عن صديق الي بطوارئ مدينه الطب … يكول نسال المريض يابه شبيك؟؟ والله ماخذ دوا يحميني من الكورونا؟؟
?اخوان ارجوكم واتمنى هالرساله توصل… اذا نعدد الاعراض الجانبيه الي يسويها هذا الدواء والله هالبوست يصير اطول من ليله الشتاء..(تقيئ.غثيان.. دوران..نقصان كريات الدم البيض يعني يقلل المناعه… نقصان الصفائح الدمويه يعني ممكن يؤدي للنزف.. اضطرابات بدقات القلب ومن الممكن الوفاه… عجز الكبد…. ضعف عام في العضلات … سقوط الشعر … والله اذا ابقى اعدد ما اخلص) …
?ترامب قبل شويه غرد على توتير .. وينصح باستعمال هذا الدواء … واتمنى منكم تروحون للكومنتات وتشوفون الاطباء الامريكان شلون نزلوا عليه دك رزايل … لان اعتبروا عرض حياه الناس للخطر …
?احبائي هالدواء يوصفه الك الطبيب المختص .. لان هو اعرف بالجرعه واعرف بالاعراض الجانبيه الي يسببها .. واعرف بالحالات الي ممنوع يتسخدم بيها هذا الدواء … ووحده منهم ولابد شايفيها كلنا .. هي حساسيه البقلاء .. يعني اذا تاخذ هالدواء .. كانما ماكل باكله ورح يصير عندك تحلل بكريات الدم الحمر ونزف وكذلك ومن الممكن الوفاه
? اصدقاء الي صيادله دا احجي وياهم .. يكولون اليوم الطلب على هذا الدواء بالهبل .. يعني انت صرفت فلوس على دواء واذا تاخذه بدون استشارة طبيه من الممكن يسببلك الوفاه ..
?احبائي واخواني واهلي انتوا .. والله حقكم ومقدرين الحاله الي انتوا بيهم .. واحنا حالنا حالكم … بس حبينا نوركم شويه .. نعرف والله من الخوف الانسان يكوم يسوي اي شي حفاظا على حياته .. بس مو هيجي والله لان هالشي خطأ..
ودمتم بخير وحفظكم الله … وارجع واكول سامحونا على خشونتنا بالنصيحه ❤
د.اسامه فلاح حسن
