مرحبا بالزائر الكريم عراق انا هو أول موقع عراقي على الأنترنت من ضمن مشروع مستقبلي للنهوض بواقع المجتمع وتسليط الضوء على كل ماهو أيجابي ويبعث للأمل والتفاؤل عن طريق دعم وتشجيع أشخاص و مبادرات و مواهب، التغطية الخاصة والحصرية للحدث، وتقديم المفيد من مواضيع من أجل عكس الصورة الحقيقية للعراق.
انتباه …..
اعلان جولة شارع الرشيد التراثية
بمناسبة مرور الذكرى ١٠٣ على افتتاح شارع الرشيد (شارع خليل باشا جاده سي) ستكون لنا جولة بغدادية تراثية يوم الجمعة القادمة المصادف ٢/٨/٢٠١٩ الساعة الرابعة عصرا نبداها من موقع اندثار متابعة قراءة “اعلان عن جولة في شارع الرشيد”
حبايبنا الطيبين والخيرين
اكثركم عدكم اولاد وبالعطلة الصيفية توفرولهم الملابس الصيفية ملابس رياضية وسائل ترفيهية بس اليتيم منو يوفرله هذه الاشياء
قررنا كفريق تطوعي انوفر هذه الملابس والاحذية للايتام من خلال تبرعاتكم ونشاركهم بمختلف الانشطة الرياضية والعلمية لان الايتام هم اولادنا ايضا فمحتاجين دعمكم حتى انفرحهم ونحسسهم باهميتهم بالمجتمع وانهم ميفرقون عن اولادنا
الي يحب يتبرع لمجموعة ايتام بملابس واحذية جديدة من عمر 5سنوات الى عمر 15سنة يتصل على
اسماء الشالجي
07719791741
عثمان الفهداوي
07711333446
وربي يكثر من امثالكم
يوم الجمعة 14/6/2019 الساعة الرابعة عصرا ستكون جولتنا الاثرية الى المقبرة الملكية في منطقة الاعظمية ومتحف مايس بيت رشيد عالي الكيلاني الي كلنا شفنا بمسلسل العرضحالجي في منطقة الشماسية ونختم جولتنا بالمسناية على نهر دجلة لمعرفة الرابط التاريخي بين منطقتي الاعظمية والكاظمية من الانساب والالقاب وتاريخ الجسر الخشب القديم وسيرافقنا بهذه الجولة المؤرخين الاساتذة نبيل الحسيناوي وياسر العبيدي
سيكون التجمع في ساحة الدلال بالاعظمية الساعة الرابعة عصرا والانطلاق بعدها بربع ساعة ونحن غير مسؤولين عن تاخير اي شخص يحضر ويانة
السعر للشخص الواحد 10 الف وسيكون ريع هذه الجولة للاعمال الانسانية ولخدمة الايتام والمسنين والاسر المتعففة
يرجع الحجز قبل الحضور للجولة على 07719791741 او 07711333446
اسماء الشالجي
الي عنده احد خياط او خياطة يتصل بالرقم الموجود
المعمل بحاجه على خياطات او خياطين
عنوان المعمل بغداد باب المعظم مجاور وزاره الصحه
لمعلومات المزيد والستفسار الاتصال على الرقم:
07726977088
اسماء الشالجي
في شهر الخير شهر ولادة سيد الكائنات رسول الله محمد صلى الله عليه واله وسلم سيقوم فريقنا بزرع الفرحة والابتسامة على وجوه الخير من احباب الله الايتام والمسنين بتجهيز الطعام والحلويات وخلق اجواء الامل والسعادة بتواجدنا معهم متابعة قراءة “مع اليتامى والمسنين في ذكرى المولد النبوي”
بقلم اسماء الشالجي.
يعني من البارحة لليوم دتجي طلبات على صفحتي بخصوص الطفلة فرح الي يريد يتبناها والي يريد تبرع الها اخواني واخواتي ……
بالنسبة للتبرع يكون لكل البنات بالدار لان ميصير فقط لطفلة فرح لان راح يحز بقلوب بقية البنات واما اليتيم فلا تقهر علما ان هناك حالات بالدار بعد اتعس من حالة فرح ومحد مسلط الضوء عليها والتبرع يكون بموافقات رسمية.
اما بالنسبة للتبني فممنوع قانونيا وهذا الكلام منقول من مديرة الدار ومدير دائرة الاحتياجات الخاصة بالمحافظة الاستاذ غسان الكناني الكناني فرجاءا الالتزام بالضوابط والتعليمات شاكرين عطائكم وانسانيتكم. متابعة قراءة “بخصوص التبرع والتبني للطفلة فرح”
بقلم اسماء الشالجي.
اليوم موضوع الطفلة فرح صار موضوع راي عام وهذا الشي يفرحني وثبتلي ان الانسانية موجودة ببلدي وبين اهلنا وثابتة بيهم الغيرة العراقية سواء داخل البلد او خارجه …واكو ناس كومة دكت بابنا واتمنوا يتبنون هذه الطفلة من غير الي سمعناه من شيخ الامارات او الفنانة احلام الي بادروا بتبنيها
بس ….ترة الموضوع مو بس فرح اكو اهواية مثل فرح بهذا الدار. اكو امهاتهم موجودين واباؤهم موجودين بس شامريهم بالدار. الام شمرت ضناها علمود رجال اتنام بحضنه والاب شمر ضناه علمود يرضي زوجتة الثانية. عذرا للكلام بس هذا واقع…. الي يقهرني اكثر العالم عافت مصيبة الايتام والاهل ويحجون على الدار تدرون انتو هذا الدار احن عليهم حتى من اهلهم الي شمروهم. تدرون البنات ذاك اليوم شافوا مديرتهم السابقة بالشارع عبالك شافو امهم … معتنين بيهم واحسن عيشة عايشين من تعليم وترفيه وتربية ونظام بفضل القائمين عليه وبفضل اهل الخير ومتحملين مسؤولية بس الله يدري بيها فعيب يجي واحد او وحدة تنتقد الدار او تنطني اراء سلبيه بحقة…
فرح بخير وسعيدة وحالها احسن من جانت ابيت جدها الكل يحبوها ويداروها وجهزوها بكلشي ودخلوها مدرسة حالها حال البقيات بالدار …اليوم رحنا وشفناهم
الي يريد يساعد ويتكلف…خلي يتكفل كل الي بالدار رجاءا حتى لا ينقهرون البقية ويشعرون بعدم اهتمامكم بيهم ويتكفل كل يتيم سواء كان بمؤسسة او دار او يم بيتهم فاما اليتيم فلا تقهر.
شكرا استاذ غسان الكناني واستاذ قحطان وست منيرة وست نهلة انتو رمز الانسانية وانتم اهل لهذه المكانة ربي يوفق
راح نصبغ ونرسم على صبات معهد تعليمي في شارع فلسطين بناءا على طلب من السيدة ايمان الخفاجي رئيسة جمعية المشكاة هذه الدعوة لكل رسام وخطاط ويد عاملة اتريد اتشاركنة بهذا العمل التطوعي وراح يكون العمل ليومي الجمعة والسبت راح نكون يد وحدة وحتى راح انسوي وجبة طعام حتى يكون زاد وملح بيناتنا فمنو يحب يشترك ويانة بالعمل ؟؟؟؟؟
اسماء الشالجي
بقلم اسماء الشالجي.
احلى شي بالعيد من اتفرح الاطفال وخاصة من يكونون اطفال محتاجين ومصابين بمرض السرطان فقررنا نسوي احتفالية الهم وانوزع هداية العيد الي اتبرعوا بيها الخيرين واتفقنا وية فرقة فرحة بومبي حتى نسوي اجواء من العيد والفرح والبهجة وانسيهم اشوية معاناتهم والام المرض اللهم يشفيهم ويكفيكم شره وفعلا بصبيحة ثالث يوم العيد انطلقنا احنا فريق انقياء التطوعي وعملنا هذه الحفل بمستشفى ااطفل التعليمي بمدينة الطب فالف شكر لكادر الفريق انقياء التطوعي عثمان الفهداوي واسعد العزاوي وعايدة الشالجي وزينة النعيمي وكذلك فريق LCT الطبي الدكتور خالد والدكتورتين بثينة وهبة على المشاركة بالحفل.
اسماء الشالجي
ادارة فريق انقياء التطوعي
الفيديو فكرة وتصميم أحمد طاهر.
بقلم زينة الألوسي.
لقاءخاص وحصري مع مدير فرقة المتحف البغدادي عن بداياته.. ذكرياته.. رحلته وحياته
صباح الخيرات والأنوار والمسّـرات متابعينا الغاليين.. تحدثنا في نهاية الجزء الثاني عن فرقة التراث التابعة للمتحف و وعدتكم بتفاصيل اكثر عن الفرقه وبداياتها وتفاصيل كثيرة.. واليوم أفي بوعدي لكم من خلال مقابلتي الخاصة والحصرية لموقعنا مع الفنان القدير مكصد الحلّي، في رحلة عن بداياته.. ذكرياته.. مشواره الفني.. حياته وتفاصيل أخرى كثيرة تخص فعاليات الفرقة والمتحف.. فهيا بنا نبحر على متن هذه الرحلة التي أتمنى أن تنال رضاكم وتستمتعون بتفاصيلها
في البدء أود تقديم الشكر والأمتنان للناشطة الأجتماعية والصديقة الغالية اسماء الشالجي، حيث كانت هي السبب الرئيسي وراء أتصالي ومعرفتي بفنانا القدير وأجراء الحوار التالي مع شخصه الكريم، وكان في منتهى الرقي والتعاون والصبر لأسئلتي الكثيرة والمتعددة والتي انهالت عليه مثل المطر ودار بيننا الحديث التالي: متابعة قراءة “المتحف البغدادي -ج4”
دائما من انزور الاطفال المصابين بالسرطان نلكه اكثر اهلهم ناس جدا متعففين ومن سكنة اطراف المحافظات وملاكين حتى العيشة الي يستحقوها مثل الغذاء او الملابس, والي متعبهم اكثر هو مرض اطفالهم بهذا المرض اللعين وكثرة المراجعات بالمستشفيات والاطباء وغلاء الدواء اذا كان مامتوفر بالمستشفيات… وسط هذه الهموم حتى ناسين اكو عيد ويفرحون بيه حالهم حال امة محمد.
قررنا احنا فريق انقياء التطوعي انفرح هالاطفال المرضى واهلهم بالعيد ونهديلهم ملابس والعاب وحلويات العيد. نزرع الفرحة بقلوبهم ولو ليوم ونشيل من هموم اهلهم.
محتاجين تبرعاتكم محتاجين ملابس من عمر سنة لحد ال١٦ سنة ومحتاجين العاب اطفال وناس تتكفل بالحلويات والكيك والحفل واجعلوها دفعة بلاء عنكم وعن اولادكم متابعة قراءة “فرحة العيد نرسمها على وجه طفل مصاب بالسرطان”
شاهد فديو اللقاء مع فريق رحماء بينهم
كتبنا ونشرنا في أكثر من مناسبة عنهم وعن نشاطاتهم النبيلة، واليوم نكتب عن واحدة من هذه النشاطات, خاصة في هذا الشهر الفضيل.
صور لفريق انقياء التطوعي من أحدى نشاطاتهم وهي حملة افطار الايتام في دار الصليخ
كتبت الناشطة الأجتماعية أسماء الشالجي عن هذه الحملة: متابعة قراءة “حملة افطار الايتام في دار الصليخ”
بازار فريق انقياء التطوعي – اليوم الثاني
مشاركة اسماء الشالجي.
اليوم الثاني للبازار الخيري المقام بالزوراء بمشاركة من كادر الفريق ست عايدة والست عبير والست هالة و التدريسيين في كلية التمريض لفحص المواطنين كل من :
الدكتورة ايسن كمال
الدكتورة حوراءحسين
الدكتور محمد باقر
الطالب فهد نبيل
شكرا لجهودكم المبذولة جعلها الله بميزان حسناتكم متابعة قراءة “بازار فريق انقياء التطوعي – اليوم الثاني”
مشاركة اسماء الشالجي.
نشرنا قبل عدة أيام دعوة فريق انقياء التطوعي لحضور البازار الذي تم تنظيمه على ارض متنزه الزوراء بمناسبة مهرجان بغداد الدولي للزهور يومي الخميس والجمعة 26 و27 نيسان / ابريل 2018
ننشر لكم صور من البازار والنشاطات التي قام بها الفريق والخيرين ممن شارك معهم. متابعة قراءة “بازار فريق انقياء التطوعي – اليوم الأول”
بقلم عبير الشالجي.
راح احجي بالعامية لان كل الكلمات مااعتقد راح تحجي الالم الوجع الي بداخلي.
كل مرة اطلع سفرة واشوف ماتبقي من قصور النظام السابق مهدم ومخرب بشكل وحشي واجرامي اتسأل لماذا؟ متابعة قراءة “انقذوا قصر البركة”
مشاركة اسماء الشالجي.
اقيم يوم الأربعاء المصادف 25 نيسان / ابريل 2018 عرض للأزياء التأريخية في المتحف العراقي القاعة الاشورية الذي نضمته جامعة الامام الكاظم قسم التاريخ وبحضور عدد من الطلاب والمثقفين والمهتمين بالاثار والتراث
مشاركة اسماء الشالجي.
دعوة عامة لحضور بازارنا المقام على ارض متنزه الزوراء بمناسبة مهرجان بغداد الدولي للزهور
الخميس والجمعة 26 و27 نيسان / ابريل 2018
وستكون هناك فعاليات تراثية وبرامج توعية وريع البازار سيخصص لحملة لشراء دواء وملابس للاطفال المصابين بمرضى السرطان
فاهلا وسهلا بكم
