الوسم: تصوير فوتوغرافي

بعدسة وسام العكيد

شعر لبيد هاني (قصيدة هنا بغداد)

طبع حبنا سوالف ليل من تنعاد
تهمس للكمر حول هنا بغداد
ما مشتاك .. صار سنين نتنخاك
لعيون ودمعها .. تقرب الميعاد
دجلة وموجة ينطر .. ضيك
وكم ليل مر وانت مبعد يا كمر بس عاد
حول يا كمر .. حول هنا بغداد حول ياكمر
لا تشمت الحساد
حول .. جرف دجلة مضيع الاحباب
وجلسات السمر ومايل الاوراد
وشوارعها صفت .. تيزاب
واليمشون شموع تذوب
صاروا بيهة كوم رماد
وكهاويها صفت حصران لا انسان
مر بيهة ولا جائع تهنة بزاد
ولا سوق السراي تحنة باليحجون
ولا المربعة رجعت تحسب الرواد
ولا باب المعظم تنطر الركاب
ولا صبح العلاوي يهلي بالوفاد
صفت دجلة ونواسيها وشواطي الليل
تسال عاليمر .. وتكله ابعد غاد
ليل اظلم شكلك يا كمر ويطول
هم نكظي العمر خوف وحزن وحداد
لا جاي العصر ومسامر النسوان
بس مصايح الموت وبجي الويلاد
بس الموت واشلاء ويتامى تصيح
رصاص وهاونات وثار من بعاد
جن بلا عقل صرنة .. ولا عقال
واحنة اللي عقلنة يقود الف بلاد
تقسمنة وسلاح الاجنبي بلا ايد
بيدينة ويحركنة بلا مرصاد
شكلك ياكمر .. من يومها لهاليوم
شما تطلع علينة قهر موش اعياد
سفينة احنة صفينة .. وضيع السفان
من كثر الهموم النجر صاح الداد
اطلع ياكمر اطلع هنا بغداد
اهل غيرة وشهامة وتجربة وعناد
علمنة الزمان وعلم الاكوان
درسنة ومكتبتنا احنة الة رواد
اطلع يا كمرخل ترجع الايام
ترانا احنة مدار الدنيا من تنقاد
احنة اللي زرعنة الشمس هذا النور
واحنة اللي نضوي النجم ما يزداد
طبع حبنا سوالف ليل من تنعاد
تهمس للكمر حول هنا بغداد
————————————–

بعدسة حسن صلاح. متابعة قراءة “من قهوة الشابندر”

بعدسة وسام العكيد

شعر ضياء حنتوش

امس شفت الكمر يغسل وجه بغداد
ابمايه اتنورت واكتملت ابنوره
ام طول الحلو بجتافهه النهرين
يجرن بلشعر والركبه بلوره

يكعدهه الصبح بغداد حس فيروز
وتغنيهه ابقوافي بعذب الصوره

يااول قصيده يكولهه التاريخ
بلمطلع بده وصفكله جمهوره
ياليله ولف ليله وحجينه يطول
موحته الحبرماكفت ابحوره
علمتي الزمن يكتب الدار ودور
علمتي الزمن كلمات دستوره
ماصار الزمن لوما الحضاره البيج
ولا وكفت عله الحيطان صبوره
عاصمة العلم والعلم بيه تبقين
ابجرة كهرمانه يفيضن اصطوره
وتسولف شهرزاد وليل يسهر ليل
عن طول العراق اجباله وبهوره
يادار السلام الاخذ لون الماي
ياغيرة عراق وصوت شاجوره
اذن احنه سلاما للسلام انصير
واذا نغتاض دمنه يصير نافوره

فدوه انروح لعيونك..ورمشاك
والعاداك في كلبه ..ورمشك
عراق الدول من تمشي..ورمشاك
تصف اعلامهه وتاخذ تحيه

بعدسة وسام العكيد

شعر سراج السلطاني

صباح الخير كلمه ابرمش الجفون ***** فرات اودجلة دمعاتي ابهالعيون

ياعطر المطر بين البساتين ***** وياسحر الورد فوك الروازين

ذهب حسنك عبر حد الموازين ***** عراق اجمل شعر وافة اليحبون

على اغصان الشجر تحلى العصافير ***** بحنين الغبشة ترسملك تعابير

مدارس عينك وكَاعك طباشير ***** وجان اول درس بسمك يصبحون

خبز رمشك طعم يملك حنيني ***** وكرم شوكَك غمر مصحف يقيني

شفت بيك الوطن يعني انت عيني ***** يافي الخواطر عاليضحكون

يابيت الشمس لو صارت اغروب ***** ثلج كَلب المحب وبحظنك يذوب

عراق اللي يزعلك لازم يتوب ***** نشيل اترابك اعكَال اشيلومون

صباح الخير مو بس كلمة تنكَال ***** حضارة تصير كون الكل الاجيال

خلي ابكل شبر ذكرى العشك حال ***** وباجر ينزل اعليك التمر عون

بعدسة هالة العقابي.

نختتم هذه الاحتفالية بمجموعة صور تتكون من مجموعة اخرى من الصور، وتحكي عن رحلة العمر لرجل عراقي. متابعة قراءة “احتفالية المصور العراقي – شوق ولكن (ج2)”

بعدسة علي الكلابي متابعة قراءة “احتفالية المصور العراقي – الامامين الجوادين “ع””

بعدسة عبدالرحمن صالح. متابعة قراءة “احتفالية المصور العراقي – يامحلى  فنجان گهوة ابيض “

بعدسة وسام العكيد متابعة قراءة “احتفالية المصور العراقي – سفرة نهرية”

بعدسة وسام العكيد متابعة قراءة “احتفالية المصور العراقي – بغداد الجمال”

بعدسة وسام العكيد متابعة قراءة “احتفالية المصور العراقي – دولاب الهوة”