الوسم: شعر

لا تسولف عالملح يم الجروح
بيهة خوفة جروحي من طاري الملح
جروح گلبي بعدهن حدثات
وگامن بكل موسم يخلفن جرح
ولاتدگ باب الگلب باثنين اديك
بصمة خليت وبعد ماينفتح
سهم مرشوش بملح وبگلبي صار
خله يبرد من بعدهة اطلب صلح
وك احفرت اسمك بالدليل
وحسبت من گلبي مااظن تنمسح
ببستان العشگ چنت انه طير
ليش تسويها ظلمه وانه مكسور الجنح
اشگد غشيم وصدگت وجه الظلام
مادريت بشمعه وجهك ينفضح
لو عمت عيني وضوه العالم باديك
ما اريدن يطلع عله عيوني الصبح

************

شعر بقلم لؤي الأسدي

الگلب الابيض لا تلچًمه ارجوك

لا يحمل عتب ولا يتحمًل الصدمه

على الحلوة والمرًه مشيت وياك

ذايب مثل شمعه بساعه العتمه

چنت شايل خلگ ما شاله حتًى الهور

يشگ صدره البلم وما عاتبه بكلمه

جبتهه وياك ضحكه وسالفه وطيب

ليش من الشفاه تموًت البسمه

غشيم انه وزرعتك ردت احصدك عود

لا خضًر العود ولا شفت نعمه

على اول نفس هدًيت خنًاگ

وانه انطر هواك وانطر النسمه

تره القدًاح عطره يفوح للدوم

لو ينداس بالرجلين هم يستاهل الشمًه

والصديج الزين وين تريد تلگاه

لو هدًه كواسج والبحر ظلمه

ما رايد اجرحك بس احاچيك

وما اكثًر الكلام وهيه بس كلمه

شيرجعه الرطب لو طاح بالرجلين

من عين العثگ لو طاح شيلمًه

****************************

شعر بقلم لؤي الأسدي

في ايام المستنصرية كنت اكتب اشعاري على السبورة لتقرأها الحبيبة، فادّعت احداهن أني أقصدها بأشعاري فجاءها الرد:

******

طفلةٌ أنتِ فاهدئي أو فثوري   

    كلُّ ما فيكِ لا يثيرُ شعوري

انتِ لولا جمالُ وجهكِ هذا

      كنتِ قبراً يسيرُ بين القبورِ

أنتِ قشرُ الحياةِ واللبُّ عندي

      فلماذا أسيرُ خلف القشورِ

أنتِ ما زلتِ مثل طيرٍ صغيرٍ  

  أزغب الريشِ فاحذري أن تطيري

لا ترومي التحليقَ نحو سمائي  

           فسمائي مليئةٌ بالنسورِ

كلُّ نسرٍ يكادُ خفقُ جناحيهِ

          يصيبُ الجبالَ بالتدميرِ

أنتِ طورٌ من الغرورِ ولكنْ 

 كلُّ ما فيكِ قطرةٌ من غروري

سوف يغدو وسوف تغدين دكّاً

       لو تجلّيتُ فوق هذا الطورِ

لا يغرنّكِ الهدوءُ بعينيَّ

    فإنّ البركانَ تحت صخوري

فيَّ ما فيَّ من ذكاءٍ شديدٍ

               وغباءٍ وعفّةٍ وفجورِ

بيْدَ أني إنْ يفتح الحبُّ سوقاً

      للجميلاتِ لا أبيعُ ضميري

أنا نارٌ وأنتِ في الحبِّ ثلجٌ

  ستذوبين إن دخلتِ سعيري

أنا سِفْرٌ وأنتِ حرفُ هجاءٍ 

ربما تختفينَ بين سطوري

أنا بحرٌ وأنتِ نهرٌ صغيرٌ

  سيضيعُ الخريرُ بين الهديرِ

هذه قمتي فلا تقربيها

  قُربَكِ السفْحُ فاقنعي بالمصيرِ

*******

الشاعر محمد المنصوري